返工中途先嚟黑雨真係人都灰～最灰嘅事，係仲要應付響唔停嘅電話…
對方係一位女仕:喂？
我:早晨，乜乜診所～
佢:診所呀？姓乜嗰間呀？
我:係呀～有乜幫到你？
佢:黑雨喎，會唔會收工？
我:照常應診時間～
佢:醫生唔會早走？
我:唔會呀～
佢:黑雨唔係要早走㗎咩？
我:係留喺安全地方…
佢:哦，我而家喺屋企呀！
咁點呀？咁點呀？咁點呀？
我:睇醫生嘅喺應診時間內到就得㗎啦，拜拜～
佢:喂？喂？
我:仲有乜幫到你呢？
佢:你知唔知有冇地鐵？
我:地鐵打風都唔停駛嘅…
佢:咁乜乜乜號巴士呢？
我:……
佢:我怕黑雨走嚟睇會危險，診所有冇保險㗎？
我:有保險～
佢:咁我有乜意外係咪都受保？
我:……
醫生，我覺得診所真係好唔安全，可唔可以放我走呀？
Search